ki wafa kis se bhala fahisha-e-duniya ne
hai tujhe shauq jo is qahba ki damadi ka

Qayem Chandpuri

---

---

KHas namat sath mauj ke lag le
bahte bahte kahin to jaiyega

Qayem Chandpuri

---

---

kar na jurat tu ai tabib ki ye
dil ka dhaDka hai iKHtilaj nahin

Qayem Chandpuri

---

---

kahta hai aaina ki hai tujh sa hi ek aur
bawar nahin to la main tere ru-ba-ru karun

Qayem Chandpuri

---

---

kab main kahta hun ki tera main gunahgar na tha
lekin itni to uqubat ka saza-war na tha

I have sinned against you, I certainly agree
but was I still deserving of such cruelty

Qayem Chandpuri

---

---

aa ai 'asar' mulazim-e-sarkar-e-girya ho
yan juz guhar KHazane mein tanKHwah hi nahin

Qayem Chandpuri

---

---

jis musalle pe chhiDkiye na sharab
apne aain mein wo pak nahin

Qayem Chandpuri

---

---

jis chashm ko wo mera KHush-chashm nazar aaya
nargis ka use jalwa ek pashm nazar aaya

Qayem Chandpuri

---

---

ilahi waqai itna hi bad hai fisq-o-fujur
par is maze ko samajhta jo tu bashar hota

Qayem Chandpuri

---

---