pas-e-iKHlas saKHt hai taklif
ta-kuja KHatir-e-wazi-o-sharif

Qayem Chandpuri

---

---

parwane ki shab ki sham hun main
ya roz ki shama ki sahar hun

Qayem Chandpuri

---

---

puchho ho mujh se tum ki piyega bhi tu sharab
aisa kahan ka shaiKH hun ya parsa hun main

Qayem Chandpuri

---

---

'qaem' hayat-o-marg-e-buz-o-gaw mein hain nafa
is mardumi ke shor pe kis kaam ka hun main

Qayem Chandpuri

---

---

'qaem' jo kahen hain farsi yar
is se to ye reKHta hai behta

Qayem Chandpuri

---

---

qaem main ghazal taur kiya reKHta warna
ek baat lachar si ba-zaban-e-dakani thi

Qayem Chandpuri

---

---

'qaem' main iKHtiyar kiya shaeri ka aib
pahuncha na koi shaKHs jab apne hunar talak

Qayem Chandpuri

---

---

'qaem' main reKHta ko diya KHilat-e-qubul
warna ye pesh-e-ahl-e-hunar kya kamal tha

Qayem Chandpuri

---

---

qazi KHabar le mai ko bhi likkha hai wan mubah
rishwat ka hai jawaz teri jis kitab mein

Qayem Chandpuri

---

---