جلے مکانوں میں بھوت بیٹھے بڑی متانت سے سوچتے ہیں
کہ جنگلوں سے نکل کے آنے کی کیا ضرورت تھی آدمی کو

پرکاش فکری

---

---

جدھر دیکھو لہو بکھرا ہوا ہے
نشانہ کون گولی کا بنا ہے

پرکاش فکری

---

---

لرزاں ہے کسی خوف سے جو شام کا چہرہ
آنکھوں میں کوئی خواب پرونے نہیں دیتا

پرکاش فکری

---

---

مردہ پڑے تھے لوگ گھروں کی پناہ میں
دریا وفور غیظ سے بپھرا تھا چار سو

پرکاش فکری

---

---

یوں تو اپنوں سا کچھ نہیں اس میں
پھر بھی غیروں سے وہ الگ سا ہے

پرکاش فکری

---

---