اپنی دنیا تو بنا لی تھی ریاکاروں نے
مل گیا خلد بھی اللہ کو پھسلانے سے
نظم طبا طبائی
اسیری میں بہار آئی ہے فریاد و فغاں کر لیں
نفس کو خوں فشاں کر لیں قفس کو بوستاں کر لیں
نظم طبا طبائی
بچھڑ کے تجھ سے مجھے ہے امید ملنے کی
سنا ہے روح کو آنا ہے پھر بدن کی طرف
نظم طبا طبائی
درد دل سے عشق کے بے پردگی ہوتی نہیں
اک چمک اٹھتی ہے لیکن روشنی ہوتی نہیں
نظم طبا طبائی
دل اس طرح ہوائے محبت میں جل گیا
بھڑکی کہیں نہ آگ نہ اٹھا دھواں کہیں
نظم طبا طبائی
جو اہل دل ہیں الگ ہیں وہ اہل ظاہر سے
نہ میں ہوں شیخ کی جانب نہ برہمن کی طرف
نظم طبا طبائی
کعبہ و بت خانہ عارف کی نظر سے دیکھیے
خواب دونوں ایک ہی ہیں فرق ہے تعبیر میں
نظم طبا طبائی
کیا ہے اس نے ہر اک سے وصال کا وعدہ
اس اشتیاق میں مرنا ضروری ہوتا ہے
نظم طبا طبائی
لوٹتے رہتے ہیں مجھ پر چاہنے والوں کے دل
ورنہ یوں پوشاک تیری ملگجی ہوتی نہیں
نظم طبا طبائی