ai KHalish bol kya yahi hai KHuda
ye jo dil mein KHala sa rahta hai

Meer Ahmad Naved

---

---

ai waqt tu kahin bhi kisi ka hua hai kya
kya tujh ko dekhna teri saat ko dekhna

Meer Ahmad Naved

---

---

charagh-ha-e-takalluf bujha diye gae hain
uThao jam ki parde uTha diye gae hain

Meer Ahmad Naved

---

---

daba saka na sada us ki teri bazm ka shor
KHamosh rah ke bhi koi sada bana hua hai

Meer Ahmad Naved

---

---

jo mil gae to tawangar na mil sake to gada
hum apni zat ke andar chhupa diye gae hain

Meer Ahmad Naved

---

---

KHud se guzre to qayamat se guzar jaenge hum
yani har haal ki haalat se guzar jaenge hum

Meer Ahmad Naved

---

---

kuchh is tarah se kaha mujh se baiThne ke liye
ki jaise bazm se us ne uTha diya hai mujhe

Meer Ahmad Naved

---

---

main apne hijr mein tha mubtala azal se magar
tere visal ne mujh se mila diya hai mujhe

Meer Ahmad Naved

---

---

main kahin aaun main kahin jaun
waqt jaise ruka sa rahta hai

Meer Ahmad Naved

---

---