'majruh' qafile ki mere dastan ye hai
rahbar ne mil ke luT liya rahzan ke sath
Majrooh Sultanpuri
ahte the kabhi jin ke dil mein hum jaan se bhi pyaron ki tarah
baiThe hain unhin ke kuche mein hum aaj gunahgaron ki tarah
Majrooh Sultanpuri
para-e-dil hai watan ki sarzamin mushkil ye hai
shahr ko viran ya is dil ko virana kahen
Majrooh Sultanpuri
mujhe ye fikr sab ki pyas apni pyas hai saqi
tujhe ye zid ki KHali hai mera paimana barson se
Majrooh Sultanpuri
mujh se kaha jibril-e-junun ne ye bhi wahi-e-ilahi hai
mazhab to bas mazhab-e-dil hai baqi sab gumrahi hai
Majrooh Sultanpuri
mere hi sang-o-KHisht se tamir-e-baam-o-dar
mere hi ghar ko shahr mein shamil kaha na jae
Majrooh Sultanpuri
main ki ek mehnat-kash main ki tirgi-dushman
subh-e-nau ibarat hai mere muskurane se
Majrooh Sultanpuri
kuchh bata tu hi nasheman ka pata
main to ai baad-e-saba bhul gaya
Majrooh Sultanpuri
main akela hi chala tha jaanib-e-manzil magar
log sath aate gae aur karwan banta gaya
Majrooh Sultanpuri