tishnagi hi tishnagi hai kis ko kahiye mai-kada
lab hi lab hum ne to dekhe kis ko paimana kahen

Majrooh Sultanpuri

---

---

tujhe na mane koi tujh ko is se kya majruh
chal apni rah bhaTakne de nukta-chinon ko

Majrooh Sultanpuri

---

---

wo aa rahe hain sambhal sambhal kar nazara be-KHud faza jawan hai
jhuki jhuki hain nashili aankhen ruka ruka daur-e-asman hai

Majrooh Sultanpuri

---

---

zaban hamari na samjha yahan koi 'majruh'
hum ajnabi ki tarah apne hi watan mein rahe

Majrooh Sultanpuri

---

---

dil ki tamanna thi masti mein manzil se bhi dur nikalte
apna bhi koi sathi hota hum bhi bahakte chalte chalte

Majrooh Sultanpuri

---

---

ab sochte hain laenge tujh sa kahan se hum
uThne ko uTh to aae tere aastan se hum

Majrooh Sultanpuri

---

---

aise hans hans ke na dekha karo sab ki jaanib
log aisi hi adaon pe fida hote hain

Majrooh Sultanpuri

---

---

alag baiThe the phir bhi aankh saqi ki paDi hum par
agar hai tishnagi kaamil to paimane bhi aaenge

Majrooh Sultanpuri

---

---

ashkon mein rang-o-bu-e-chaman dur tak mile
jis dam asir ho ke chale gulsitan se hum

Majrooh Sultanpuri

---

---