ok sakta hamein zindan-e-bala kya 'majruh'
hum to aawaz hain diwar se chhan jate hain

Majrooh Sultanpuri

---

---

mujhe ye fikr sab ki pyas apni pyas hai saqi
tujhe ye zid ki KHali hai mera paimana barson se

Majrooh Sultanpuri

---

---

mujh se kaha jibril-e-junun ne ye bhi wahi-e-ilahi hai
mazhab to bas mazhab-e-dil hai baqi sab gumrahi hai

Majrooh Sultanpuri

---

---

mere hi sang-o-KHisht se tamir-e-baam-o-dar
mere hi ghar ko shahr mein shamil kaha na jae

Majrooh Sultanpuri

---

---

'majruh' qafile ki mere dastan ye hai
rahbar ne mil ke luT liya rahzan ke sath

Majrooh Sultanpuri

---

---

'majruh' likh rahe hain wo ahl-e-wafa ka nam
hum bhi khaDe hue hain gunahgar ki tarah

Majrooh Sultanpuri

---

---

main ki ek mehnat-kash main ki tirgi-dushman
subh-e-nau ibarat hai mere muskurane se

Majrooh Sultanpuri

---

---

main akela hi chala tha jaanib-e-manzil magar
log sath aate gae aur karwan banta gaya

Majrooh Sultanpuri

---

---

kuchh bata tu hi nasheman ka pata
main to ai baad-e-saba bhul gaya

Majrooh Sultanpuri

---

---