gulon se bhi na hua jo mera pata dete
saba uDati phiri KHak aashiyane ki

Majrooh Sultanpuri

---

---

hum hain kaba hum hain but-KHana hamin hain kaenat
ho sake to KHud ko bhi ek bar sajda kijiye

Majrooh Sultanpuri

---

---

hum ko junun kya sikhlate ho hum the pareshan tum se ziyaada
chaak kiye hain hum ne azizo chaar gareban tum se ziyaada

Majrooh Sultanpuri

---

---

haT ke ru-e-yar se tazin-e-alam kar gain
wo nigahen jin ko ab tak raegan samjha tha main

Majrooh Sultanpuri

---

---

jafa ke zikr pe tum kyun sambhal ke baiTh gae
tumhaari baat nahin baat hai zamane ki

Majrooh Sultanpuri

---

---

jala ke mishal-e-jaan hum junun-sifat chale
jo ghar ko aag lagae hamare sath chale

Majrooh Sultanpuri

---

---

kahan bach kar chali ai fasl-e-gul mujh aabla-pa se
mere qadmon ki gul-kari bayaban se chaman tak hai

Majrooh Sultanpuri

---

---