aise khila wo phul sa chehra phaili sare ghar KHushbu
KHat ko chhupa kar paDhne wali raaz chhupana bhul gai

Khawar Ahmad

---

---

hujum-e-sang mein kya ho suKHan-taraaz koi
wo ham-suKHan tha to kya kya na KHush-kalam the hum

Khawar Ahmad

---

---

mere lahu se jis ke barg-o-bar mein bahaar hai
wahi shajar mere liye salib kaise ho gaya

Khawar Ahmad

---

---

tu chala gaya hai to shahr phir wahi dasht-e-gham hai mere liye
wahi main hun aur meri zindagi mere aansuon mein bhari hui

Khawar Ahmad

---

---

us ke andaz se jhalakta tha koi kirdar dastanon ka
us ki aawaz se bikharti thi koi KHushbu kisi kahani ki

Khawar Ahmad

---

---

us ke baad to jo karna tha aap janab ne karna tha
us ki to mearaj yahi thi aap janab tak aaya wo

Khawar Ahmad

---

---