na jaane kis ki hamein umr bhar talash rahi
jise qarib se dekha wo dusra nikla

Khalilur Rahman Azmi

---

---

tere na ho sake to kisi ke na ho sake
ye karobar-e-shauq mukarrar na ho saka

Khalilur Rahman Azmi

---

---

tamam yaaden mahak rahi hain har ek ghuncha khila hua hai
zamana bita magar guman hai ki aaj hi wo juda hua hai

Khalilur Rahman Azmi

---

---

suna raha hun unhen jhuT-muT ek qissa
ki ek shaKHs mohabbat mein kaamyab raha

Khalilur Rahman Azmi

---

---

nikale gae is ke mani hazar
ajab chiz thi ek meri KHamushi

Khalilur Rahman Azmi

---

---

nigah-e-mehrban uThti to hai sab ki taraf lekin
nahin waqif abhi sab log ramz-e-ashnai se

Khalilur Rahman Azmi

---

---

nahin ab koi KHwab aisa teri surat jo dikhlae
bichhaD kar tujh se kis manzil par hum tanha chale aae

Khalilur Rahman Azmi

---

---

main kahan hun kuchh bata de zindagi ai zindagi!
phir sada apni suna de zindagi ai zindagi!

Khalilur Rahman Azmi

---

---

mere dushman na mujh ko bhul sake
warna rakhta hai kaun kis ko yaad

Khalilur Rahman Azmi

---

---