hangama-e-hayat se jaan-bar na ho saka
ye dil ajib dil hai ki patthar na ho saka

Khalilur Rahman Azmi

---

---

aaj Duba hua KHushbu mein hai pairahan-e-jaan
ai saba kis ne ye puchha hai tera nam-o-nishan

Khalilur Rahman Azmi

---

---

duniya bhar ki ram-kahani kis kis Dhang se kah Dali
apni kahne jab baiThe to ek ek lafz pighalta tha

Khalilur Rahman Azmi

---

---

dekhne wala koi mile to dil ke dagh dikhaun
ye nagri andhon ki nagri kis ko kya samjhaun

Khalilur Rahman Azmi

---

---

hala hua ki koi aur mil gaya tum sa
wagarna hum bhi kisi din tumhein bhula dete

Khalilur Rahman Azmi

---

---

ane-banae se raston ka silsila nikla
naya safar bhi bahut hi gurez-pa nikla

Khalilur Rahman Azmi

---

---

azal se tha wo hamare wajud ka hissa
wo ek shaKHs ki jo hum pe mehrban hua

Khalilur Rahman Azmi

---

---

aur to koi batata nahin us shahr ka haal
ishtihaaraat hi diwar ke paDh kar dekhen

Khalilur Rahman Azmi

---

---

ab un bite dinon ko soch kar to aisa lagta hai
ki KHud apni mohabbat jaise ek jhuTi kahani ho

Khalilur Rahman Azmi

---

---