yahin par dafn kar do is gali se ab kahan jaun
ki mere pas jo kuchh tha yahin aa kar luTaya hai

Khalilur Rahman Azmi

---

---

ye aur baat ki tark-e-wafa pe mail hain
teri wafa ki hamein aaj bhi zarurat hai

Khalilur Rahman Azmi

---

---

ye sach hai aaj bhi hai mujhe zindagi aziz
lekin jo tum milo to ye sauda giran nahin

Khalilur Rahman Azmi

---

---

ye tamanna nahin ab dad-e-hunar de koi
aa ke mujh ko mere hone ki KHabar de koi

Khalilur Rahman Azmi

---

---

yun ji bahal gaya hai teri yaad se magar
tera KHayal tere barabar na ho saka

Khalilur Rahman Azmi

---

---

yun to marne ke liye zahr sabhi pite hain
zindagi tere liye zahr piya hai main ne

Khalilur Rahman Azmi

---

---

zahr pi kar bhi yahan kis ko mili gham se najat
KHatm hota hai kahin silsila-e-raqs-e-hayat

Khalilur Rahman Azmi

---

---

zara jo tez chale to koi bhi sath na tha
hisar-e-fikr hi bas apna pasban hua

Khalilur Rahman Azmi

---

---

zindagi bhi mere nalon ki shanasa nikli
dil jo TuTa to mere ghar mein koi shama jali

Khalilur Rahman Azmi

---

---