asi hai sukhe gulabon ki baat sanson mein
koi KHayal kisi yaad ke hisar mein hai

Khalida Uzma

---

---

chale aate hain be-mausam ki barish ki tarah aansu
basa-auqat rone ka sabab kuchh bhi nahin hota

Khalida Uzma

---

---

haqiqaten to aTal hain badal nahin saktin
magar kisi ki tasalli se hausla hua hai

Khalida Uzma

---

---

idhar udhar ke sunae hazar afsane
dilon ki baat sunane ka hausla na hua

Khalida Uzma

---

---

ki mere baad qatl se tauba
aaKHiri tir tha kaman mein kya

Khalida Uzma

---

---

wo tapish hai ki jal uThe sae
dhup rakkhi thi saeban mein kya

Khalida Uzma

---

---

ye kya KHalish hai ki lau de rahi hai jazbon ko
na jaane kaun sa shoala mere sharar mein hai

Khalida Uzma

---

---

zist aur maut ka aaKHir ye fasana kya hai
umr kyun hasb-e-zarurat nahin di ja sakti

Khalida Uzma

---

---