aaj tak un ki KHudai se hai inkar mujhe
main to ek umr se kafir hun sanam jaante hain

Irfan Siddiqi

---

---

ab aa gai hai sahar apna ghar sambhaalne ko
chalun ki jaga hua raat bhar ka main bhi hun

Irfan Siddiqi

---

---

abhi se rasta kyun rokne lagi duniya
khaDe hue hain abhi apne ru-ba-ru hum log

Irfan Siddiqi

---

---

ai lahu main tujhe maqtal se kahan le jaun
apne manzar hi mein har rang bhala lagta hai

Irfan Siddiqi

---

---

ai parindo yaad karti hai tumhein pagal hawa
roz ek nauha sar-e-shaKH shajar sunta hun main

Irfan Siddiqi

---

---

ajab harif tha mere hi sath Dub gaya
mere safine ko gharqab dekhne ke liye

Irfan Siddiqi

---

---

ajnabi jaan ke kya nam-o-nishan puchhte ho
bhai hum bhi usi basti ke nikale hue hain

Irfan Siddiqi

---

---

apne chaaron samt diwaren uThana raat din
raat din phir sari diwaron mein dar karna mujhe

Irfan Siddiqi

---

---

apne kis kaam mein laega batata bhi nahin
hum ko auron pe ganwana bhi nahin chahta hai

Irfan Siddiqi

---

---