ab to diwanon se yun bach ke guzar jati hai
bu-e-gul bhi tere daman ki hawa ho jaise

Hosh Tirmizi

---

---

dasht-e-wafa mein jal ke na rah jaen apne dil
wo dhup hai ki rang hain kale paDe hue

Hosh Tirmizi

---

---

dil ko gham ras hai yun gul ko saba ho jaise
ab to ye dard ki surat hi dawa ho jaise

Hosh Tirmizi

---

---

milne ko hai KHamoshi-e-ahl-e-junun ki dad
uThne ko hai zamin se dhuan dekhte raho

Hosh Tirmizi

---

---

tazin-e-bazm-e-gham ke liye koi shai to ho
raushan charagh-e-dil na sahi jam-e-mai to ho

Hosh Tirmizi

---

---