aaj na hum se puchhiye kaisa kamal ho gaya
hijr ke KHauf mein rahe aur visal ho gaya

Hilal Fareed

---

---

aaj phir dab gain dard ki siskiyan
aaj phir gunjta qahqaha rah gaya

Hilal Fareed

---

---

apne dukh mein rona-dhona aap hi aaya
ghair ke dukh mein KHud ko dukhana ishq mein sikha

Hilal Fareed

---

---

ahar jo nahin tha to koi baat nahin thi
ehsas-e-nadamt magar andar bhi nahin tha

Hilal Fareed

---

---

hum KHud bhi hue nadim jab harf-e-dua nikla
samjhe the jise patthar wo shaKHs KHuda nikla

Hilal Fareed

---

---

is aql ki mari nagri mein kabhi pani aag nahin banta
yahan ishq bhi log nahin karte yahan koi kamal nahin hota

Hilal Fareed

---

---

jam-e-ishq pi chuke zindagi bhi ji chuke
ab 'hilal' ghar chalo ab to sham ho gai

Hilal Fareed

---

---

jab waqt paDa tha to jo kuchh hum ne kiya tha
samjhe the wahi yar hamara bhi karega

Hilal Fareed

---

---

meri dastan bhi ajib hai wo qadam qadam mere sath tha
jise raaz-e-dil na bata saka jise dagh-e-dil na dikha saka

Hilal Fareed

---

---