aur thoDa sa bikhar jaun yahi Thani hai
zindagi main ne abhi haar kahan mani hai

Hasnain Aaqib

---

---

ahut udas hain diwaren unche mahlon ki
ye wo khanDar hain ki jin mein amir rahte hain

Hasnain Aaqib

---

---

gham uThata hun ghazal kahta hun jita rahta hun
log kahte hain ki ek din 'mir' ho jaunga main

Hasnain Aaqib

---

---

garche halka sa dhundlaka hai tasawwur bhi tera
band aankhon ko ye manzar bhi bahut lagta hai

Hasnain Aaqib

---

---

ji chahta hai tark-e-mohabbat ko bar bar
aata hai ek aisa bhi lamha visal mein

Hasnain Aaqib

---

---

kaTti hai shab visal ki palken jhapakte hi
jis ki subh na ho kabhi wo raat bhi to ho

Hasnain Aaqib

---

---

KHud ko kabhi main pa na saka
jaane kitna gahra hun

Hasnain Aaqib

---

---

lafzon ke her-pher se banti nahin ghazal
sheron mein thoDi garmi-e-jazbaat bhi to ho

Hasnain Aaqib

---

---