danaiyan aTak gain lafzon ke jal mein
itne jawab gum hain mere ek sawal mein
dariya bas ek qadam kabhi sahil ki samt aa
dekhunga zor kitna hai tere ubaal mein
ki ehtiyat lakh magar haal ye hua
aana tha jin ko aa hi gae teri chaal mein
ji chahta hai tark-e-mohabbat ko bar bar
aata hai ek aisa bhi lamha visal mein
ab kya usul-e-dasht-nawardi ki baat ho
uljhe paDe hain panw shikari ke jal mein
Ghazal
Danaiyan aTak gain lafzon ke jal mein
Hasnain Aaqib