ab khul ke kaho baat to kuchh baat banegi
ye daur-e-ishaaraat-o-kinayat nahin hai

Hafeez Merathi

---

---

abhi se hosh uDe maslahat-pasandon ke
abhi main bazm mein aaya abhi bola kahan bola

Hafeez Merathi

---

---

ad-tar hai maut se bhi ghulami ki zindagi
mar jaiyo magar ye gawara na kijiyo

Hafeez Merathi

---

---

hae wo naghma jis ka mughanni
gata jae rota jae

Hafeez Merathi

---

---

har sahaara be-amal ke waste be-kar hai
aankh hi khole na jab koi ujala kya kare

Hafeez Merathi

---

---

ek ajnabi ke hath mein de kar hamara hath
lo sath chhoDne laga aaKHir ye sal bhi

Hafeez Merathi

---

---

kabhi kabhi hamein duniya hasin lagti thi
kabhi kabhi teri aankhon mein pyar dekhte the

Hafeez Merathi

---

---

kya jaane kya sabab hai ki ji chahta hai aaj
rote hi jaen samne tum ko biTha ke hum

Hafeez Merathi

---

---

mai-KHane ki samt na dekho
jaane kaun nazar aa jae

Hafeez Merathi

---

---