ab yahi mere mashaghil rah gae
sochna aur jaanib-e-dar dekhna

Hafeez Hoshiarpuri

---

---

agar tu ittifaqan mil bhi jae
teri furqat ke sadme kam na honge

even if perchance we meet
my ache for you will not deplete

Hafeez Hoshiarpuri

---

---

dil mein ek shor sa uTha tha kabhi
phir ye hangama umr bhar hi raha

Hafeez Hoshiarpuri

---

---

dil se aati hai baat lab pe 'hafiz'
baat dil mein kahan se aati hai

Hafeez Hoshiarpuri

---

---

dosti aam hai lekin ai dost
dost milta hai baDi mushkil se

friendship is commonplace my dear
but friends are hard to find I fea

Hafeez Hoshiarpuri

---

---

duniya mein hain kaam bahut
mujh ko itna yaad na aa

Hafeez Hoshiarpuri

---

---

gham-e-zamana teri zulmaten hi kya kam thin
ki baDh chale hain ab in gesuon ke bhi sae

Hafeez Hoshiarpuri

---

---

gham-e-zindagani ke sab silsile
bil-aKHir gham-e-ishq se ja mile

Hafeez Hoshiarpuri

---

---

hum ko manzil ne bhi gumrah kiya
raste nikle kai manzil se

Hafeez Hoshiarpuri

---

---