main ek mazdur hun roTi ki KHatir bojh uThata hun
meri qismat hai bar-e-hukmarani pusht par rakhna

Ehtisham ul Haq Siddiqui

---

---

shuur-e-nau-umr hun na mujh ko mata-e-ranj-o-malal dena
ki mujh ko aata nahin ghamon ko KHushi ke sanchon main Dhaal dena

Ehtisham ul Haq Siddiqui

---

---

tere badan ki nazakaton ka hua hai jab ham-rikab mausam
nazar nazar mein khila gaya hai shararaton ke gulab mausam

Ehtisham ul Haq Siddiqui

---

---

tu mard-e-momin hai apni manzil ko aasmanon pe dekh nadan
ki rah-e-zulmat mein sath dega koi charagh-e-alil kab tak

Ehtisham ul Haq Siddiqui

---

---

ye duniya hai yahan asli kahani pusht par rakhna
labon par pyas rakhna aur pani pusht par rakhna

Ehtisham ul Haq Siddiqui

---

---