ek muddat se hain safar mein hum
ghar mein rah kar bhi jaise beghar se

Azhar Iqbal

---

---

ghuTan si hone lagi us ke pas jate hue
main KHud se ruTh gaya hun use manate hue

Azhar Iqbal

---

---

hai ab bhi bistar-e-jaan par tere badan ki shikan
main KHud hi miTne laga hun use miTate hue

Azhar Iqbal

---

---

har ek samt yahan wahshaton ka maskan hai
junun ke waste sahra o aashiyana kya

Azhar Iqbal

---

---

har ek shaKHs yahan mahw-e-KHwab lagta hai
kisi ne hum ko jagaya nahin bahut din se

Azhar Iqbal

---

---

na jaane KHatm hui kab hamari aazadi
talluqat ki pabandiyan nibhate hue

Azhar Iqbal

---

---

phir is ke baad manaya na jashn KHushbu ka
lahu mein Dubi thi fasl-e-bahaar kya karte

Azhar Iqbal

---

---

tumhaare aane ki ummid bar nahin aati
main rakh hone laga hun diye jalate hue

Azhar Iqbal

---

---

ye kaifiyat hai meri jaan ab tujhe kho kar
ki hum ne KHud ko bhi paya nahin bahut din se

Azhar Iqbal

---

---