afsos be-shumar suKHan-ha-e-guftani
KHauf-e-fasad-e-KHalq se na-gufta rah gae

Azad Ansari

---

---

agar kar-e-ulfat ko mushkil samajh lun
to kya tark-e-ulfat mein aasaniyan hain

Azad Ansari

---

---

anda-parwar main wo banda hun ki bahr-e-bandagi
jis ke aage sar jhuka dunga KHuda ho jaega

so deep is my devotion, for this piety of mine
if I bow to anyone, he would become divine

Azad Ansari

---

---

didar ki talab ke tariqon se be-KHabar
didar ki talab hai to pahle nigah mang

ignorant of mores when seeking visions bright
if you want the vision, you first need the sight

Azad Ansari

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

kise fursat ki farz-e-KHidmat-e-ulfat baja lae
na tum bekar baiThe ho na hum bekar baiThe hain

Azad Ansari

---

---

sazaen to har haal mein lazmi thin
KHataen na kar ke pashemaniyan hain

Azad Ansari

---

---

talab-e-ashiq-e-sadiq mein asar hota hai
go zara der mein hota hai magar hota hai

Azad Ansari

---

---

wo kafir-nigahen KHuda ki panah
jidhar phir gain faisla ho gaya

those faithless eyes, lord's mercy abide!
wherever they turn, they deem to decide

Azad Ansari

---

---