'arsh' kis dost ko apna samjhun
sab ke sab dost hain dushman ki taraf

Arsh Malsiyani

---

---

'arsh' pahle ye shikayat thi KHafa hota hai wo
ab ye shikwa hai ki wo zalim KHafa hota nahin

Arsh Malsiyani

---

---

ala hai qahr hai aafat hai fitna hai qayamat hai
hasinon ki jawani ko jawani kaun kahta hai

Arsh Malsiyani

---

---

as isi dhun mein raha mar ke milegi jannat
tum ko ai shoKH na jine ka qarina aaya

Arsh Malsiyani

---

---

chaman mein kaun hai pursan-e-haal shabnam ka
gharib roi to ghunchon ko bhi hansi aai

Arsh Malsiyani

---

---

dard meraj ko pahunchta hai
jab koi tarjuman nahin milta

Arsh Malsiyani

---

---

diye jalae ummidon ne dil ke gird bahut
kisi taraf se na is ghar mein raushni aai

Arsh Malsiyani

---

---

farishte ko mere nale yunhi badnam karte hain
mere aamal likhti hain meri qismat ki tahriren

Arsh Malsiyani

---

---

hai dekhne walon ko sambhalne ka ishaara
thoDi si naqab aaj wo sarkae hue hain

Arsh Malsiyani

---

---