hijab un se wo mera puchhna sar rakh ke qadmon par
sabab kya hai jo yun mujh se KHafa sarkar baiThe hain

Anwari Jahan Begum Hijab

---

---

kahan mumkin hai poshida gham-e-dil ka asar hona
labon ka KHushk ho jaana bhi hai aankhon ka tar hona

Anwari Jahan Begum Hijab

---

---

milne ke baad baiTh raha pher kar nigah
zalim yagana hote hi begana ho gaya

Anwari Jahan Begum Hijab

---

---

muhit-e-rahmat hai josh-afza hui hai abr-e-saKHa ki aamad
KHuda ki har chiz kah rahi hai ki ab hai nur-e-KHuda ki aamad

Anwari Jahan Begum Hijab

---

---

qayamat tha sitam tha qahr tha KHalwat mein o zalim
wo sharma kar tera meri baghal mein jalwa-gar hona

Anwari Jahan Begum Hijab

---

---

sifarish ham-damon ki un ka jate waqt ye kahna
ki jab taDpe meri taswir sine se laga dena

Anwari Jahan Begum Hijab

---

---

sina se sina mila dena to kuchh mushkil nahin
yar mushkil to tere dil se milana dil ka hai

Anwari Jahan Begum Hijab

---

---