aarzu thi khinchte hum bhi koi aks-e-hayat
kya karen ab ke lahu aankhon se Tapka hi nahin

Ajmal Ajmali

---

---

'ajmal' na aap sa bhi koi saKHt-jaan mila
dekhen hain hum ne yun to sitam-ashna bahut

Ajmal Ajmali

---

---

hazar manzil-e-gham se guzar chuke lekin
abhi junun-e-mohabbat ki ibtida bhi nahin

Ajmal Ajmali

---

---

jab bhi milta hun wahi chehra liye
bad-dua deta hai aaina mujhe

Ajmal Ajmali

---

---

kitni tawil kyun na ho baatil ki zindagi
har raat ka hai subh muqaddar na bhulna

Ajmal Ajmali

---

---

man ne likha hai KHat mein jahan jao KHush raho
mujh ko bhale na yaad karo ghar na bhulna

Ajmal Ajmali

---

---

tar-e-nazar bhi gham ki tamazat se KHushk hai
wo pyas hai mile to samundar sameT lun

Ajmal Ajmali

---

---