raat phir rang pe thi us ke badan ki KHushbu
dil ki dhaDkan thi ki uDte the lahu mein jugnu
jaise har shai ho kisi KHwab-e-faramosh mein gum
chand chamka na kisi yaad ne badla pahlu
subh ke zina-e-KHamosh pe qadmon ke gulab
sham ki band haweli mein hansi ka jadu
sehn ke sabz andhere mein damakte ruKHsar
saf bistar ke ujale mein chamakte gesu
jhilmilate rahe wo KHwab jo pure na hue
dard bedar Tapakta raha aansu aansu
Ghazal
Raat phir rang pe thi uske badan ki KHushbu
Ahmad Mushtaq