dhaDakti rahti hai dil mein talab koi na koi
pukarta hai mujhe roz-o-shab koi na koi
shab-e-alam tere sada dilon pe kya guzri
sahar hui to sunaega sab koi na koi
zaban band hai aankhon ke band rahne tak
khulegi aankh to kholega lab koi na koi
hawa-e-saz-e-alam lakh ehtiyat kare
laraz hi uThta hai tar-e-tarab koi na koi
ghane banon mein bhi rasta nikal hi aata hai
bana hi deti hai qudrat sabab koi na koi
Ghazal
DhaDakti rahti hai dil mein talab koi na koi
Ahmad Mushtaq