musibat aur lambi zindagani
buzurgon ki dua ne mar Dala

all these worldly troubles and longevity
blessings of the elders is the death of me

Muztar Khairabadi

---

---

zindagi se to KHair shikwa tha
muddaton maut ne bhi tarsaya

Naresh Kumar Shad

---

---

hichkiyon par ho raha hai zindagi ka rag KHatm
jhaTke de kar tar toDe ja rahe hain saz ke

Natiq Gulavthi

---

---

jo log maut ko zalim qarar dete hain
KHuda milae unhen zindagi ke maron se

Nazeer Siddiqui

---

---

dhup mein niklo ghaTaon mein naha kar dekho
zindagi kya hai kitabon ko haTa kar dekho

Nida Fazli

---

---

hosh walon ko KHabar kya be-KHudi kya chiz hai
ishq kije phir samajhiye zindagi kya chiz hai

Nida Fazli

---

---

main bhi tu bhi yatri chalti rukti rail
apne apne ganw tak sab ka sab se mel

Nida Fazli

---

---