aDa ghaTe ka sauda hai 'sada' ye sans lena bhi
baDhe hai umr jyun-jyun zindagi kam hoti jati hai

Sada Ambalvi

---

---

ghazal us ne chheDi mujhe saz dena
zara umr-e-rafta ko aawaz dena

Safi Lakhnavi

---

---

ai adam ke musafiro hoshiyar
rah mein zindagi khaDi hogi

Saghar Siddiqui

---

---

maut kahte hain jis ko ai 'saghar'
zindagi ki koi kaDi hogi

Saghar Siddiqui

---

---

dekha hai zindagi ko kuchh itne qarib se
chehre tamam lagne lage hain ajib se

Sahir Ludhianvi

---

---

gar zindagi mein mil gae phir ittifaq se
puchhenge apna haal teri bebasi se hum

Sahir Ludhianvi

---

---

hum gham-zada hain laen kahan se KHushi ke git
denge wahi jo paenge is zindagi se hum

Sahir Ludhianvi

---

---