yun zindagi guzar raha hun tere baghair
jaise koi gunah kiye ja raha hun main

Jigar Moradabadi

---

---

zindagi ek hadsa hai aur kaisa hadsa
maut se bhi KHatm jis ka silsila hota nahin

Jigar Moradabadi

---

---

man ki aaghosh mein kal maut ki aaghosh mein aaj
hum ko duniya mein ye do waqt suhane se mile

Kaif Bhopali

---

---

zindagi shayad isi ka nam hai
duriyan majburiyan tanhaiyan

Kaif Bhopali

---

---

dard aisa hai ki ji chahe hai zinda rahiye
zindagi aisi ki mar jaane ko ji chahe hai

Kaleem Aajiz

---

---

talKHiyan is mein bahut kuchh hain maza kuchh bhi nahin
zindagi dard-e-mohabbat ke siwa kuchh bhi nahin

Kaleem Aajiz

---

---

zindagi mail-e-fariyaad-o-fughan aaj bhi hai
kal bhi tha sine pe ek sang-e-giran aaj bhi hai

Kaleem Aajiz

---

---