hae wo log jo dekhe bhi nahin
yaad aaen to rula dete hain

Mohammad Alvi

---

---

un dinon ghar se ajab rishta tha
sare darwaze gale lagte the

Mohammad Alvi

---

---

wo jo hum mein tum mein qarar tha tumhein yaad ho ki na yaad ho
wahi yani wada nibah ka tumhein yaad ho ki na yaad ho

the love that 'tween us used to be, you may, may not recall
those promises of constancy, you may, may not recall

Momin Khan Momin

---

---

kuchh bikhri hui yaadon ke qisse bhi bahut the
kuchh us ne bhi baalon ko khula chhoD diya tha

Munawwar Rana

---

---

tumhaara nam aaya aur hum takne lage rasta
tumhaari yaad aai aur khiDki khol di hum ne

Munawwar Rana

---

---

aa gai yaad sham Dhalte hi
bujh gaya dil charagh jalte hi

Muneer Niyazi

---

---

wo sardiyon ki dhup ki tarah ghurub ho gaya
lipaT rahi hai yaad jism se lihaf ki tarah

Musavvir Sabzwari

---

---