aaj kuchh rang digar hai mere ghar ka 'KHalid'
sochta hun ye teri yaad hai ya KHud tu hai

Khalid Sharif

---

---

asi hai sukhe gulabon ki baat sanson mein
koi KHayal kisi yaad ke hisar mein hai

Khalida Uzma

---

---

mere dushman na mujh ko bhul sake
warna rakhta hai kaun kis ko yaad

Khalilur Rahman Azmi

---

---

meri nazar mein wahi mohni si murat hai
ye raat hijr ki hai phir bhi KHub-surat hai

Khalilur Rahman Azmi

---

---

tamam yaaden mahak rahi hain har ek ghuncha khila hua hai
zamana bita magar guman hai ki aaj hi wo juda hua hai

Khalilur Rahman Azmi

---

---

yun ji bahal gaya hai teri yaad se magar
tera KHayal tere barabar na ho saka

Khalilur Rahman Azmi

---

---

suna hai hamein wo bhulane lage hain
to kya hum unhen yaad aane lage hain

Khumar Barabankavi

---

---