wahi phir mujhe yaad aane lage hain
jinhen bhulne mein zamane lage hain

Khumar Barabankavi

---

---

yaad karne pe bhi dost aae na yaad
doston ke karam yaad aate rahe

Khumar Barabankavi

---

---

yaad-e-mazi ki pur-asrar hasin galiyon mein
mere hamrah abhi ghum raha hai koi

Khurshid Ahmad Jami

---

---

afta rafta sab taswiren dhundli hone lagti hain
kitne chehre ek purane album mein mar jate hain

Khushbir Singh Shaad

---

---

main jata hun dil ko tere pas chhoDe
meri yaad tujh ko dilata rahega

Khwaja Meer u0027Dardu0027

---

---

yak-ba-yak nam le uTha mera
ji mein kya us ke aa gaya hoga

Khwaja Meer u0027Dardu0027

---

---

KHwab mein nam tera le ke pukar uThta hun
be-KHudi mein bhi mujhe yaad teri yaad ki hai

Lala Madhav Ram Jauhar

---

---