KHwab ki tarah bikhar jaane ko ji chahta hai
aisi tanhai ki mar jaane ko ji chahta hai

Iftikhar Arif

---

---

tum se mile to KHud se ziyaada
tum ko akela paya hum ne

Irfan Siddiqi

---

---

main to tanha tha magar tujh ko bhi tanha dekha
apni taswir ke pichhe tera chehra dekha

Jameel Malik

---

---

mujhe tanhai ki aadat hai meri baat chhoDen
ye lije aap ka ghar aa gaya hai hat chhoDen

Javed Saba

---

---

jama karti hai mujhe raat bahut mushkil se
subh ko ghar se nikalte hi bikharne ke liye

Javed Shaheen

---

---

udasiyan hain jo din mein to shab mein tanhai
basa ke dekh liya shahr-e-arzu main ne

Junaid Hazin Lari

---

---

tanhai ki dulhan apni mang sajae baiThi hai
virani aabaad hui hai ujDe hue daraKHton mein

Kaif Ahmed Siddiqui

---

---