main hun dil hai tanhai hai
tum bhi hote achchha hota

my loneliness my heart and me
would be nice

Firaq Gorakhpuri

---

---

dasht-e-tanhai mein jine ka saliqa sikhiye
ye shikasta baam-o-dar bhi ham-safar ho jaenge

Fuzail Jafri

---

---

apne sae se chaunk jate hain
umr guzri hai is qadar tanha

Gulzar

---

---

zindagi yun hui basar tanha
qafila sath aur safar tanha

Gulzar

---

---

shahr ki bhiD mein shamil hai akela-pan bhi
aaj har zehn hai tanhai ka mara dekho

Hasan Najmi Sikandarpuri

---

---

ye kaisa qafila hai jis mein sare log tanha hain
ye kis barzaKH mein hain hum sab tumhein bhi sochna hoga

Himayat Ali Shayar

---

---

dar-o-diwar itne ajnabi kyun lag rahe hain
KHud apne ghar mein aaKHir itna Dar kyun lag raha hai

Iftikhar Arif

---

---