tanhaiyon ko saunp ke tarikiyon ka zahr
raaton ko bhag aae hum apne makan se

Kaif Ahmed Siddiqui

---

---

sahra mein aa nikle to malum hua
tanhai ko wusat kam paD jati hai

Kashif Husain Ghair

---

---

zamin aabaad hoti ja rahi hai
kahan jaegi tanhai hamari

Kashif Husain Ghair

---

---

koi bhi yaqin dil ko 'shad' kar nahin sakta
ruh mein utar jae jab guman ki tanhai

Khushbir Singh Shaad

---

---

wo nahin hai na sahi tark-e-tamanna na karo
dil akela hai ise aur akela na karo

Mahmood Ayaz

---

---

kitne chehre kitni shaklen phir bhi tanhai wahi
kaun le aaya mujhe in aainon ke darmiyan

Mahmood Shaam

---

---

gham o nashat ki har rahguzar mein tanha hun
mujhe KHabar hai main apne safar mein tanha hun

Makhmoor Saeedi

---

---