go mujhe ehsas-e-tanhai raha shiddat ke sath
kaT di aadhi sadi ek ajnabi aurat ke sath

Anwar Shuoor

---

---

kis qadar bad-namiyan hain mere sath
kya bataun kis qadar tanha hun main

Anwar Shuoor

---

---

sar-bulandi meri tanhai tak aa pahunchi hai
main wahan hun ki jahan koi nahin mere siwa

Arshad Abdul Hamid

---

---

ye intizar nahin shama hai rifaqat ki
is intizar se tanhai KHub-surat hai

Arshad Abdul Hamid

---

---

id ka din hai so kamre mein paDa hun 'aslam'
apne darwaze ko bahar se muqaffal kar ke

Aslam Kolsarii

---

---

ek aag gham-e-tanhai ki jo sare badan mein phail gai
jab jism hi sara jalta ho phir daman-e-dil ko bachaen kya

Athar Nafees

---

---

yaadon ki mahfil mein kho kar
dil apna tanha tanha hai

Azad Gulati

---

---