hamari zindagi to muKHtasar si ek kahani thi
bhala ho maut ka jis ne bana rakkha hai afsana

Bedam Shah Warsi

---

---

zindagi kya hai anasir mein zuhur-e-tartib
maut kya hai inhin ajza ka pareshan hona

Chakbast Brij Narayan

---

---

duniya meri bala jaane mahngi hai ya sasti hai
maut mile to muft na lun hasti ki kya hasti hai

Fani Badayuni

---

---

kisi ke ek ishaare mein kis ko kya na mila
bashar ko zist mili maut ko bahana mila

Fani Badayuni

---

---

maut aane tak na aae ab jo aae ho to hae
zindagi mushkil hi thi marna bhi mushkil ho gaya

Fani Badayuni

---

---

maut ka intizar baqi hai
aap ka intizar tha na raha

Fani Badayuni

---

---

na-umidi maut se kahti hai apna kaam kar
aas kahti hai Thahar KHat ka jawab aane ko hai

Fani Badayuni

---

---