لے کے خط ان کا کیا ضبط بہت کچھ لیکن
تھرتھراتے ہوئے ہاتھوں نے بھرم کھول دیا

جگر مراد آبادی

---

---

واں سے آیا ہے جواب خط کوئی سنیو تو ذرا
میں نہیں ہوں آپ میں مجھ سے نہ سمجھا جائے گا

جرأت قلندر بخش

---

---

کیسے مانیں کہ انہیں بھول گیا تو اے کیفؔ
ان کے خط آج ہمیں تیرے سرہانے سے ملے

کیف بھوپالی

---

---

اس نے یہ کہہ کر پھیر دیا خط
خون سے کیوں تحریر نہیں ہے

کیف بھوپالی

---

---

اپنا خط آپ دیا ان کو مگر یہ کہہ کر
خط تو پہچانئے یہ خط مجھے گمنام ملا

کیفی حیدرآبادی

---

---

خط لکھا یار نے رقیبوں کو
زندگی نے دیا جواب مجھے

لالہ مادھو رام جوہر

---

---

میرا ہی خط اس شوخ نے بھیجا مرے آگے
آخر جو لکھا تھا وہی آیا مرے آگے

لالہ مادھو رام جوہر

---

---