ishq bhi ho hijab mein husn bhi ho hijab mein
ya to KHud aashkar ho ya mujhe aashkar ka

Allama Iqbal

---

---

ji chahta hai sane-e-qudrat pe hun nisar
but ko biTha ke samne yaad-e-KHuda karun

Amanat Lakhnavi

---

---

kaun si ja hai jahan jalwa-e-mashuq nahin
shauq-e-didar agar hai to nazar paida kar

where in this world does ones beloved's beauty not reside
if the zeal for sight you have, the vision too provide

Ameer Minai

---

---

jis taraf tu hai udhar hongi sabhi ki nazren
id ke chand ka didar bahana hi sahi

Amjad Islam Amjad

---

---

charag chand shafaq sham phul jhil saba
churain sab ne hi kuchh kuchh shabahaten teri

Anjum Irfani

---

---

husn har haal mein hai husn paraganda naqab
koi parda hai na chilman ye koi kya jaane

Arsh Malsiyani

---

---

allah allah husn ki ye parda-dari dekhiye
bhed jis ne kholna chaha wo diwana hua

Arzoo Lakhnavi

---

---