hijr mein muztarib sa ho ho ke
chaar-su dekhta hun ro ro ke

Jurat Qalandar Bakhsh

---

---

mat dekh ki phirta hun tere hijr mein zinda
ye puchh ki jine mein maza hai ki nahin hai

Kaif Bhopali

---

---

main lafz lafz mein tujh ko talash karta hun
sawal mein nahin aata na aa jawab mein aa

Karamat Ali Karamat

---

---

meri nazar mein wahi mohni si murat hai
ye raat hijr ki hai phir bhi KHub-surat hai

Khalilur Rahman Azmi

---

---

tumhein KHayal nahin kis tarah bataen tumhein
ki sans chalti hai lekin udas chalti hai

Mahboob Khizan

---

---

yun guzarte hain hijr ke lamhe
jaise wo baat karte jate hain

Mahesh Chandra Naqsh

---

---

aDi tawil hai 'mahshar' kisi ke hijr ki baat
koi ghazal hi sunao ki nind aa jae

Mahshar Inayati

---

---