jo ghazal aaj tere hijr mein likkhi hai wo kal
kya KHabar ahl-e-mohabbat ka tarana ban jae

Ahmad Faraz

---

---

kitna aasan tha tere hijr mein marna jaanan
phir bhi ek umr lagi jaan se jate jate

Ahmad Faraz

---

---

hijr ek waqfa-e-bedar hai do nindon mein
wasl ek KHwab hai jis ki koi tabir nahin

Ahmad Mushtaq

---

---

milne ki ye kaun ghaDi thi
bahar hijr ki raat khaDi thi

Ahmad Mushtaq

---

---

yahi duniya thi magar aaj bhi yun lagta hai
jaise kaTi hon tere hijr ki raaten kahin au

Ahmad Mushtaq

---

---

KHuda kare ki teri umr mein gine jaen
wo din jo hum ne tere hijr mein guzare the

Ahmad Nadeem Qasmi

---

---

mar jata hun jab ye sochta hun
main tere baghair ji raha hun

Ahmad Nadeem Qasmi

---

---