wo bhala kaise batae ki gham-e-hijr hai kya
jis ko aaghosh-e-mohabbat kabhi hasil na hua
Habeeb Ahmad Siddiqui
kyun hijr ke shikwe karta hai kyun dard ke rone rota hai
ab ishq kiya to sabr bhi kar is mein to yahi kuchh hota hai
Hafeez Jalandhari
yar ko main ne mujhe yar ne sone na diya
raat bhar tala-e-bedar ne sone na diya
Haidar Ali Aatish
shab-e-daraaz ka hai qissa muKHtasar 'kaifi'
hui sahar ke ujalon mein gum charagh ki lau
Haneef Kaifi
judai ki ruton mein suraten dhundlane lagti hain
so aise mausamon mein aaina dekha nahin karte
Hasan Abbas Raza
KHair se dil ko teri yaad se kuchh kaam to hai
wasl ki shab na sahi hijr ka hangam to hai
Hasan Nayeem
kuchh KHabar hai tujhe o chain se sone wale
raat bhar kaun teri yaad mein bedar raha
Hijr Nazim Ali Khan