hijr ki raat kaTne wale
kya karega agar sahar na hui

Aziz Lakhnavi

---

---

KHud chale aao ya bula bhejo
raat akele basar nahin hoti

Aziz Lakhnavi

---

---

main tere hijr mein jine se ho gaya tha udas
pe garm-joshi se kya kya manaya ashk mera

Baqar Agah Vellori

---

---

tujh hijr ki agan kun bujhane ai sang dil
koi aab-zan-rafiq ba-juz chashm-e-tar nahin

Daud Aurangabadi

---

---

kab Thahrega dard ai dil kab raat basar hogi
sunte the wo aaenge sunte the sahar hogi

Faiz Ahmad Faiz

---

---

wo aa rahe hain wo aate hain aa rahe honge
shab-e-firaq ye kah kar guzar di hum ne

Faiz Ahmad Faiz

---

---

hijr mein muskurae ja dil mein use talash kar
naz-e-sitam uThae ja raaz-e-sitam na fash ka

Fani Badayuni

---

---