kisi ke hijr mein jina muhaal ho gaya hai
kise bataen hamara jo haal ho gaya hai
Ajmal Siraj
aai hogi kisi ko hijr mein maut
mujh ko to nind bhi nahin aati
Akbar Allahabadi
wasl ho ya firaq ho 'akbar'
jagna raat bhar musibat hai
whether in blissful union or in separation
staying up all night, is a botheration
Akbar Allahabadi
wo agar aa na sake maut hi aai hoti
hijr mein koi to gham-KHwar hamara hota
Akhtar Shirani
hijr ki raat ye har Dubte tare ne kaha
hum na kahte the na aaenge wo aae to nahin
Ali Jawwad Zaidi
chun sham-e-sozan chun zarra hairan ze mehr-e-an-mah bagashtam aaKHir
na nind nainan na ang chainan na aap aawe na bheje patiyan
Ameer Khusrau
shaban-e-hijran daraaz chun zulf roz-e-waslat chu umr kotah
sakhi piya ko jo main na dekhun to kaise kaTun andheri ratiyan
Ameer Khusrau