اسے خبر ہے کہ انجام وصل کیا ہوگا
وہ قربتوں کی تپش فاصلے میں رکھتی ہے

خالد یوسف

---

---

قریب آؤ تو شاید سمجھ میں آ جائے
کہ فاصلے تو غلط فہمیاں بڑھاتے ہیں

مظفر رزمی

---

---

فاصلہ نظروں کا دھوکہ بھی تو ہو سکتا ہے
وہ ملے یا نہ ملے ہاتھ بڑھا کر دیکھو

ندا فاضلی

---

---

شاید کہ خدا میں اور مجھ میں
اک جست کا اور فاصلہ ہے

عبید اللہ علیم

---

---

عشق میں بھی سیاستیں نکلیں
قربتوں میں بھی فاصلہ نکلا

رسا چغتائی

---

---

حد بندئ خزاں سے حصار بہار تک
جاں رقص کر سکے تو کوئی فاصلہ نہیں

ساقی فاروقی

---

---