main hairan hun ki kyun us se hui thi dosti apni
mujhe kaise gawara ho gai thi dushmani apni

Ehsan Danish

---

---

umr bhar milne nahin deti hain ab to ranjishen
waqt hum se ruTh jaane ki ada tak le gaya

Fasih Akmal

---

---

mujhe jo dosti hai us ko dushmani mujh se
na iKHtiyar hai us ka na mera chaara hai

Ghamgeen Dehlvi

---

---

dushmanon ne jo dushmani ki hai
doston ne bhi kya kami ki hai

Habib Jalib

---

---

log Darte hain dushmani se teri
hum teri dosti se Darte hain

Habib Jalib

---

---

aise bigDe ki phir jafa bhi na ki
dushmani ka bhi haq ada na hua

she was so annoyed she did not even torment me
in doing so denied what was due to enmity

Hasrat Mohani

---

---

kare hai adawat bhi wo is ada se
lage hai ki jaise mohabbat kare hai

Kaleem Aajiz

---

---