kise KHabar wo mohabbat thi ya raqabat thi
bahut se log tujhe dekh kar hamare hue

Ahmad Faraz

---

---

ye bhi ek baat hai adawat ki
roza rakkha jo hum ne dawat ki

Ameer Minai

---

---

apne begane se ab mujh ko shikayat na rahi
dushmani kar ke mere dost ne mara mujh ko

Arshad Ali Khan Qalaq

---

---

dushmani jam kar karo lekin ye gunjaish rahe
jab kabhi hum dost ho jaen to sharminda na hon

bear enmity with all your might, but this we should decide
if ever we be friends again, we are not mortified

Bashir Badr

---

---

dushmani ka safar ek qadam do qadam
tum bhi thak jaoge hum bhi thak jaenge

Bashir Badr

---

---

mohabbat adawat wafa be-ruKHi
kirae ke ghar the badalte rahe

Bashir Badr

---

---

wafa par dagha sulh mein dushmani hai
bhalai ka hargiz zamana nahin hai

Dattatriya Kaifi

---

---